Müəllimlərin ənənəvi sentyabr konfransı keçirilib

Sentyabrın 2-də rayon Mədəniyyət Mərkəzində müəllimlərin ənənəvi sentyabr konfransı keçirilib. Konfransda rayon təhsil şöbəsinin müdiri Mahir Dibirov “2013-2014-cü dərs ilinin yekunları və cari dərs ilində qarşıda duran vəzifələr ” mövzusunda məruzə ilə çıxış edib. Natiq hazırda rayonda 35 tam orta, 9 ümumi orta, 5 ibtidai məktəb və 5 məktəbdənkənar müəssisə olmaqla 58 ümumtəhsil məktəbinin fəaliyyət göstərdiyini diqqətə çatdırıb. Qeyd edilib ki, son  illərdə rayonda 32 yeni məktəb tikilib, 2 məktəb isə əsaslı təmir olunub. Məktəblərin maddi-texniki təminatı xeyli yaxşılaşdırılıb. Görülən tədbirlərin, aparılan məqsədəyönlü işin nəticəsidir ki, təhsil sahəsində uğurlarımız çoxdur. 5 nəfər məktəbi qızıl medalla bitirib, 245 nəfər gəncimiz ali məktəblərə qəbul olunub. Konfransda RİH başçısı İslam Rzayevin, Nəsimi adına şəhər 2 saylı tam orta məktəbin direktoru Rəşid Musayevin, Yeni Şərif kənd tam orta məktəbin direktoru Sabir Bazarovun, Meşəşambul kənd tam orta məktəbin Azərbaycan dili və ədəbiyyatı müəllimi Mübariz Hacıyevin, Humanitar və texniki təmayüllü liseyin məzunu 654 balla Qafqaz Universitetinin “Dünya iqtisadiyyati”fakültəsinə  daxil olmuş Samirə Qasımovanın çıxışları dinlənilib.
Sonda konfrans iştirakçıları adından Prezident İlham Əliyevə müraciət qəbul olunub.