Cari ilin 9 aylıq yekunları müzakirə olundu
Oktyabr ayının 14-də “Qubek” otelinin konfrans zalında Balakən rayon İcra Hakimyyəti başçısı aparatının 2014-cü ilin 9 ayının yekunlarına və qarşıda duran vəzifələrə həsr olununmuş Şura yığıncağı keçirilmişdir.
Şura iclasında rayonun idarə, müəssisə rəhbərləri, icra nümayəndələri, bələdiyyə sədrləri, ictimai təşkilat və birliklərin nümayəndələri, mətbuat işçiləri, ictimaiyyət nümayəndələri iştirak etmişlər.
9 aylığın yekunlarına dair hesabat məruzəsi ilə rayon İcra Hakimiyyətinin başçısı İslam Rzayev çıxış etmişdir. Məruzə ətrafında rayon Mədəniyyət və turizm şöbəsinin müdiri Ruqiyyə Seyidova, rayon Gənclər və İdman İdarəsinin rəisi Rasim Paçalov, rayon Elektrik Şəbəkəsinin müdir əvəzi Mehman Məmmədov, Azərsığorta Şirkəti rayon filialının direktoru Şamil Xəlilov çıxış etmişlər.
Şura yığıncağı müzakirə olunan məsələ barədə qərar qəbul etmişdir.
