Balakəndə “Məhsul bolluğu bayramı “keçirildi
Oktyabr ayının 31-də Balakən rayon Heydər Əliyev adına Mədəniyyət və İstirahət parkında “Məhsul bolluğu bayramı”keçirildi.
Bu müstəqillik tarixində 3-cü dəfə keçirilən məhsul bayramıdır.
Məhsul bayramında rayonun sahibkarları,fermerləri və iş adamları cari ildə istehsal etdikləri kənd təsərrüfatı məhsullarını nümayiş etdirdilər.
“Məhsul bolluğu bayramı”nda rayonda istehsal olunan bütün növ kənd təsərrüfatı məhsulları nümayiş etdirildi.
Rayon İcra Hakimiyyətinin başçısı İslam Rzayev və onu müşayiət edənlər sərgilərə baxış keçirdikdən sonra folklorşünas alim Qalib Sayılovun çıxışı dinlənildi.
Sonra respublikanın əməkdar artisti Mətanət İsgəndərli və Namiq Məna,Vasif Məhərrəmli və Səməd Əlizadə, Əhmədiyyə Musayev ,Burhan Rəşidov və digər dəvət olunan incəsənət ustalarının ifasında mahnılar dinlənilmişdi.
Balakəndə keçirilən “Məhsul bolluğu bayramı”çoxlu sayda ictimaiyyət nümayəndələrinin iştirakı ilə yüksək əhval-ruhiyyə şəraitində başa çatmışdır.
