YAP-nın yaranmasının iyirmi ikinci ildönümü qeyd olundu
Noyabr ayının 20-də YAP Balakən rayon təşkilatının inzibati binasında YAP-ın yaradılmasının iyirmi ikinci ildönümünə həsr edilmiş tədbir keçirilmişdir.
Tədbirdə RİH in başçısı cənab İslam Rzayev, RİH-i başçısının aparat işçiləri, YAP Balakən rayon təşkilatı İdarə Heyətinin üzvləri, ərazi ilk partiya təşkilat katibləri , YAP-ın fəal üzvləri iştirak etmişlər.
Tədbiri YAP Balakən rayon təşkilatının sədri Azad Balayev açaraq “Yeni Azərbaycan Partiyasının Azərbaycanın müstəqilliyinin qorunması və möhkəmləndirilməsində rolu” mövzusunda məruzə ilə çıxış etmişdir.
Məruzə ətrafında rayon Ağsaqqallar Şurasının sədri Rəşid Musayev, rayon Gənclər və İdman İdarəsinin aparıcı məsləhətçisi Sərxan Hacıyev,Nizami adına şəhər orta məktəbin tarix müəllimi Elvin Əliyev, Qullar kənd orta məktəbinin müəllimi Güldanə Muğumova çıxış etmişlər.
Sonra RİH-in başçısı cənab İslam Rzayev çıxış edərək siyasi həmfikirlərini bu bayram münasibətilə təbrik etmişdir.
Tədbirin sonunda partiya sıralarına yeni qəbul olunan bir qrup gəncə üzvlük vəsiqəsi təqdim olunmuşdur.
