Anım günü qeyd olundu
Ölkəmizin hər yerində olduğu kimi dekabrın 12-də Balakəndə də Ulu öndər Heydər Əliyevin anım günü qeyd olundu. Anım tədbirində rayon İcra Hakimiyyətinin işçiləri, hüquq- mühafizə orqanlarının, digər idarə və müəssisələrin rəhbərləri və kollektivləri, eləcə də ictimaiyyət nümayəndələri iştirak etmişlər.
Tədbir iştirakçıları əvvəlcə Ulu öndərin rayon Mədəniyyət və İstirahət parkının yaxınlığındakı ən uca zirvədə ucaldılmış abidəsi önünə əklil və gül-çiçək dəstələri qoymaqla onun xatirəsini ehtiramla yad etdilər.
Sonra anım tədbiri rayon Mədəniyyət Mərkəzində davam etdirilmişdir.
Rayon İcra Hakimiyyətinin başçısı İslam Rzayev Ulu öndərin həyat və fəaliyyəti barədə məruzə ilə çıxış etmişdir.
Tədbirdə vaxtı ilə Ulu öndər Heydər Əliyevlə görüşmüş tibb bacısı Turanə Məmmədova həmin görüşdən söhbət açaraq öz təəssüratlarını danışmışdır.
Sonda Heydər Əliyevin həyat və fəaliyyətinə aid film nümayiş etdirilmişdir
