Geniş Şura iclası keçirilmişdir
Aprelin 6-da rayon Mədəniyyət Mərkəzində “Narkomanlığa və narkotik vasitələrin qanunsuz dövriyyəsinə qarşı mübarizə” ilə əlaqədar geniş Şura iclası keçirilmişdir.
Şura iclasında rayon İcra Hakimiyyətinin, hüquq-mühafizə orqanlarının rəhbərləri və əməkdaşları, icra nümayəndələri və bələdiyyə sədrləri , idarə, müəssisə və təşkilat rəhbərləri, dini icmaların və qeyri- hökümət təşkilatlarının nümayəndələri və ictimaiyyət nümayəndələri iştirak etmişlər.
Tədbiri giriş sözü ilə açan RİH-nin başçısı cənab İslam Rzayev demişdir:
-Narkomaniya və narkotik vasitələrin qanunsuz dövriyyəsi problemi siyasi, iqtisadi, sosial, hüquqi sahələrlə yanaşı heç bir istisna olmadan bizim hamımıza öz mənfi təsirini göstərir. Məhz buna görə Ulu öndər Heydər Əliyev narkomaniya və narko-biznesə qarşı aparılan mübarizəni hər bir ölkənin, xalqın, millətin fiziki və şüuri sağlamlığı uğrunda aparılan mübarizə hesab etmişdir.
Dövlətimiz tərəfindən narkotik vasitələrdən istifadə, onun qanunsuz dövriyyəsinin qarşısının alınması istiqamətində mühüm tədbirlər həyata keçirilmişdir.
Narkomanlığa və narkotik vasitələrin Qanunsuz Dövriyyəsinə Qarşı Mübarizə üzrə Dövlət Komissiyası yaradılmış, “Narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığın yayılması ilə mübarizəyə dair 2013-2018-ci illər üçün Dövlət Proqramı qəbul olunmuşdur.
Rayon rəhbərinin çıxışından sonra rayon Polis Şöbəsinin rəisi polis-polkovnik-leytenantı Elnur Həsənov bu məsələ barədə geniş məruzə ilə çıxış etmişdir.
Məruzə ətrafında rayon prokuroru Həsən Mirzəyev, RTŞ-ın müdiri Mahir Dibirov, rayon məhkəməsinin sədri Rafiq Kazımov, YAP Balakən rayon təşkilatı Gənclər birliynin sədri Sərxan Hacıyev və rayon Ağsaqqallar Şurasının sədri Rəşid Musayev çıxış edərək təkliflər söyləmişlər.
Müzakirənin gedişi zamanı “Balakən” qəzetinin redaktoru Mürsəl Mikayılov , Meşəşambul kənd sakini Zumrat Murtuzov, Qırmızı Aypara Cəmiyyəti rayon Şöbəsinin müdiri Nəsibə Hudulova, Püştətala kənd dini icma sədri Qurban Qudavasov, Qarabağ veteranı Aydın Abdullayev və rayon prokuroru Həsən Mirzəyev bir sıra səmərəli təkliflər söyləmişlər.
Sonda müzakirə olunan məsələ barədə qərar qəbul edilmişdir.
