Milli Mətbuat Günü qeyd edildi

İyul ayının 21-də Balakən rayon İcra Hakimiyyətində Azərbaycan milli mətbuatının 140, ”Balakən” qəzetinin 80 illik yubileyi münasibəti ilə tədbir keçirilmişdir.
Tədbirdə RİH-in aparat işçiləri,icra nümayəndələri, bələdiyyə sədrləri, eləcə də “Balakən” qəzetinin  keçmiş və hazırki əməkdaşları  iştirak etmişlər.
Bayram tədbirini  giriş sözü ilə rayon İcra Hakimiyyətini başçısının  birinci müavini Azad Balayev açdıqdan sonra, RİH  başçısının  müavini  Mehparə Əliyeva “Mətbuatın  cəmiyyətin  həyatında rolu” mövzusunda  məruzə ilə çıxış etmişdir.
Məruzə ətrafında “Balakən” qəzetinin redaktoru Mürsəl Mikayılov, qəzetin keçmiş əməkdaşları Havva Anqbazova, qəzetin  fəal  oxucusu Şöyüb Mikayılov, qəzetin  məsul katibi  Zeynəddin Həsənli, RTŞ-ın məsləhətçisi Cavanşir Alqayev və 1 saylı Balakən  texniki peşə məktəbinin  direktoru  Rəhim Tağıyev çıxış etmişlər.
Tədbirdə “Balakən”qəzetinin 80 illik yubileyi ilə əlaqədar redaksiyaya ünvanlanan  bir sıra təbrik teleqramları da oxunmuşdur.
Çıxışlarda bundan sonra da “Balakən”in səhifələrində  ölkəmizin, eləcə də rayonumuzun  sosial-iqtisadi həyatında  baş verən  hadisələrin  obyektiv  işıqlandırılacağı qeyd olunmaqla mətbuata göstərilən  dövlət qayğısına görə  ölkə  Prezidenti  İlham Əliyev  cənablarına  minnətdarlıq  bildirilmişdir.
Sonda qəzetin yaradıcı kollektivi ilə xatirə şəkli çəkdirilmişdir.