Rayon ağsaqqalları ilə görüş keçirilib
Noyabrın 17-də rayon İcra Hakimiyyətində ağsaqqallarla görüş keçirilib. “Milli Dirçəliş günü” münasibətilə görüş iştirakçılarını təbrik edən, Balakən RİH-in başçısı İslam Rzayev bildirib ki, 17 noyabr 1988-ci ildə başlanan xalq hərəkatı Azərbaycanın müstəqilliyinə yol açdı. Ulu öndər ikinci dəfə hakimiyyətə gələndən sonra Azərbaycanın müstəqilliyi daha da möhkəmləndi, dönməz və əbədi oldu. Hazırda ulu öndərin siyasi xətti ölkə Prezidenti cənab İlham Əliyev tərəfindən uğurla davam etdirilir, Azərbaycan günü-gündən inkişaf edir, sabitlik və əmin- amanlıq hökm sürür. Ölkə Prezidenti rayonumuza 4 dəfə səfər edib, bu səfərlərdən sonra göstərilən qayğı sayəsində rayonun siması yaxşılığa doğru dəyişib.
RİH-nin başçısı eyni zamanda qeyd etdi ki, ağsaqqallarla mütəmadi olaraq görüşürük, onların dəyərli məsləhətlərini işimizdə nəzərə alırıq. Rayonun gələcək inkişafı, narkomaniyaya və radikal dini təriqətlərə qarşı mübarizə, sosial-iqtisadi sahədə görüləcək işlər barədə ağsaqqalların rəy və təklifləri mütəmadi diqqətdə saxlanılır.
