Azərbaycan idmanının parlaq siması Rəsul Çunayevin Balakən rayon Heydər Əliyev Mərkəzində idman ictimaiyyəti və gənclərlə görüşü keçirilib
12 may 2016-cı il tarixində Balakən rayon İcra Hakimiyyyəti, Heydər Əliyev Mərkəzi və Gənclər İdman İdarəsinin birgə təşəbbüsü ilə həmyerlimiz, dəfələrlə yeniyetmə, gənclər və böyüklər arasında Azərbaycan çempionu, yeniyetmə gənclər arasında avropa çempionu, gənclər və böyüklər arasında dünya çempionu, hərbçilər arasında dünya çempionu, beynəlxalq turnirlərin qalibi, ilk Avropa oyunlarının qızıl mükafatçısı, 6 may 2016-cı ildə İstanbulda keçirilən lisenziya təsnifat yarışının qalibi, “Şöhrət” ordenli Rəsul Çunayevlə rayon idman ictimayyətinin nümayəndələri və rayon gənclərinin görüşü keçirilib. Rəsul Çunayev öncə Heydər Əliyev Mərkəzini ziyarət edib və mərkəzin xatirə kitabına xoş təəssüratlarını yazıb. Tədbirdə Azərbaycan bayrağını beynəlxalq yarışlarda yüksəklərə qaldıran Rəsul Çunayev özünün keçirdiyi və qələbə qazandığı yarışlar haqqında idman ictimayyətini və gəncləri maraqlandıran sualları cavablandırıb.
