Ulu öndər Heydər Əliyevə sonsuz ehtiram nümunəsi
Azərbaycan xalqının ümummilli lideri Heydər Əliyevin anım günü Balakəndə hörmətlə yad edildi. Əvvəlcə icra aparatının rəsmiləri, hüquq-mühafizə orqanlarının, ictimaiyyətin nümayəndələri, müəssisə və təşkilatların kollektivləri, ümumtəhsil məktəblərinin müəllimləri Heydər Əliyev adına mədəniyyət və istirahət parkında Ulu Öndərin abidəsini ziyarət ediblər. Abidənin önünə tər çiçəklər düzməklə Ulu Öndərə hörmət və ehtiram bildirdilər.
Sonra ulu öndərin vəfatının on üçüncü ildönümü ilə əlaqədar ”Balakən” şadlıq sarayında ehsan süfrəsi açılmış və xatirəsinə dualar oxunmuşdur.
Sonda Balakən rayon Mədəniyyət Mərkəzində İrəvan Dövlət Azərbaycan Dram Teatrının ifasında əməkdar mədəniyyət işçisi, şair-dramaturq, teatrın direktoru İftixar Piriyevin “Qurtuluş dastanı” tarixi dramı əsasında hazırlanmış “Qurtuluş” tamaşası nümayiş olunub.
