Roçəhməd kəndində növbəti səyyar qəbul keçirilib.
2019-cu il mart ayının 13-də Balakən rayon İcra Hakimiyyətinin başçısı İslam Rzayev Roçəhməd kəndində növbəti səyyar qəbul keçirib.
İslam Rzayev Azərbaycan Respublikasının Prezidenti cənab İlham Əliyevin minimum əməkhaqqı və minimum pensiyaların yüksək faizlə artırılması, əhalinin dövlətin qayğısına daha çox ehtiyacı olan təbəqələrinin, o cümlədən əlillərin, müharibə veteranlarının, məcburi köçkünlərin, Çernobıl qəzasının aradan qaldırılmasında iştirak etmiş vətəndaşlarımızın, eləcə də tələbələrin sosial müdafiəsinin gücləndirilməsi və s. digər tədbirlərlə bağlı imzaladığı sərəncamlarının yüz minlərlə ölkə vətəndaşını əhatə etdiyini diqqətə çatdırıb.
Kənd sakinləri ilə görüşü zamanı İslam Rzayev Azərbayacan Respublikasının Prezidenti cənab İlham Əliyev 28 fevral 2019-cu il tarixində "Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” imzaladığı fərmanı barədə məlumat vermişdir.
Qəbulda iştirak edən vətəndaşların müraciətləri dinlənilib, qaldırılan məsələlərin araşdırılması və həlli ilə bağlı aidiyyəti qurumlara tapşırıqlar verilib. 
.JPG)
