Balakən Rayon İcra Hakimiyyətinin başçısı İslam Rzayev Talalar kəndində sakinlərlə görüşüb
15 oktyabr 2025 | 17:36
Oktyabr ayının 14-də rayon icra hakimiyyətinin başçısı İslam Rzayev Talalar kəndinin Hetovlar yaşayış məntəqəsində qəbul keçirib. Qəbulda Balakən Rayon İcra Hakimiyyəti başçısı Aparatının məsul əməkdaşları, hüquq-mühafizə orqanlarının, xidmət təşkilatlarının rəhbər işçiləri və kənd sakinləri iştirak ediblər.
Balakən Rayon İcra Hakimiyyətinin başçısı İslam Rzayev çıxış edərək ictimai-siyasi sahədə baş verən mühüm hadisələrə toxunub, qarşıda duran vəzifələrdən danışıb. Həmçinin ölkəmizdə əhalinin rifahının yaxşılaşdırılması istiqamətində atılan addımlar, həyata keçirilən sosial siyasətdən bəhs edib. Eyni zamanda Azərbaycan Respublikasının Prezidenti İlham Əliyevin oktyabrın 10-da Tacikistanın paytaxtı Düşənbə şəhərində MDB Dövlət Başçıları Şurasının məhdud tərkibdə iclasında çıxışından bəzi hissələri iştirakçıların diqqətinə çatdırıb.
Həmçinin qəhvəyi mərmər bağacığının rayon ərazisində yayılmasının qarşısının alınması, mövcud yayılma ocaqlarının ləğvi ilə bağlı iştirakçılara maarifləndici məlumatlar verilib.
Sonra kənd sakinlərinin müraciətlərinə baxılıb.
Vətəndaşların müraciətləri ayrı-ayrılıqda dinlənilib, məsələlər müzakirə edilib və həll olunması üçün aidiyyəti üzrə tapşırıqlar verilib.
Vətəndaşlar problemlərinin həlli istiqamətində göstərilən diqqət və qayğıya görə ölkə rəhbərliyinə minnətdarlıqlarını bildiriblər.
Qeyd edək ki, Prezident İlham Əliyevin müvafiq tapşırıq və tövsiyələrinə uyğun olaraq keçirilən səyyar görüşlər mütəmadi olaraq davam etdirilir.
Keçidlər
