Balakən Rayon İcra Hakimiyyətinin başçısı Qullar kəndinin Acılıqbinə yaşayış məntəqəsində səyyar görüş keçirib
09 oktyabr 2024 | 17:35
Oktyabrın 9-da Balakən Rayon İcra Hakimiyyətinin başçısı İslam Rzayev Qullar kəndinin Acılıqbinə yaşayış məntəqəsində səyyar qəbul keçirib. Qəbulda hüquq-mühafizə orqanlarının, xidmət təşkilatlarının rəhbər işçiləri və kənd sakinləri iştirak ediblər.
Balakən Rayon İcra Hakimiyyətinin başçısı İslam Rzayev çıxış edərək ölkəmizdə sosial-iqtisadi sahədə son dövrlərdə əldə olunmuş uğurlardan bəhs edib, ictimai-siyasi sahədə baş verən mühüm hadisələrə toxunub, qarşıda duran vəzifələrdən danışıb. Rayon rəhbəri oktyabrın 4-də Azərbaycan Respublikasının Prezidenti cənab İlham Əliyevin Cəbrayıl şəhərində inşa olunan yaşayış kompleksinin açılışında sakinlərlə görüşündəki çıxışından bəzi məqamları diqqətə çatdırıb.
Sonra kənd sakinlərinin müraciətlərinə baxılıb. Əsəbəli Omarov qəhvəyi mərmər bağacığına qarşı mübarizə tədbirlərinin görülməsinə, Sevda Səmədinova döngələrə yol nişanlarının qoyulmasına və yaşayış məntəqəsinə marşrut xəttinin ayrılmasına, Nəsrullah Abdullayev yaşayış məntəqəsində 200 m uzunluğunda yolun şebel tökülərək hamarlanmasına, Tural Ağcayev işlə təmin olunmasına, İlham Ağcayev isə yaşayış məntəqəsi ərazisindəki bulağa su çəninin qoyulmasına köməklik göstərilməsini xahiş ediblər.
Rayon rəhbəri sakinləri narahat edən məsələlərin həlli ilə bağlı aidiyyəti vəzifəli şəxslərə müvafiq tapşırıq və tövsiyələr verib.
Vətəndaşlar problemlərinin həlli istiqamətində göstərilən diqqət və qayğıya görə ölkə rəhbərliyinə minnətdarlıqlarını bildiriblər.
Keçidlər
