Balakəndə "Yaşıl dünya naminə həmrəylik ili" çərçivəsində növbəti ağacəkmə aksiyası keçirilib
24 dekabr 2024 | 09:23
Dekabrın 23-də Balakəndə "Yaşıl dünya naminə həmrəylik ili" çərçivəsində növbəti ağacəkmə aksiyası keçirilib.
Keçirilən aksiyada Balakən Rayon İcra Hakimiyyətinin başçısı İslam Rzayev və ictimaiyyət nümayəndələri iştirak edib. Aksiya çərçivəsində Yevlax-Zaqatala-Gürcüstan dövlət sərhədi avtomobil yolunun Katex kəndindən keçən hissələrində 160 ədəd həmişəyaşıl şam ağacı əkilib. Həmçinin, aksiya zamanı əkilən ağaclara aqrotexniki qulluq göstərilib, suvarılması təmin edilib.
Qeyd edək ki, “Yaşıl Dünya naminə həmrəylik ili” çərçivəsində payız mövsümündə rayon ərazisində yaşıllıqların artırılması məqsədilə 9176 ədəd həmişəyaşıl şam ağacı əkilib. Eyni zamanda, yaşıllıqlara qulluq və abadlıqla bağlı tədbirlər həyata keçirilib.
Keçidlər
