Balakən rayonunun Sarıbulaq kəndində növbəti səyyar qəbul keçirilib.

Əhalini narahat edən problemlərin həlli məqsədi ilə Sarıbulaq kəndində səyyar görüş keçirilmişdir. Görüşdə Balakən rayon İcra Hakimiyyətinin başçısı İslam Rzayev, rayon icra hakimiyyətinin müavinləri və şöbə müdirləri, idarə və müəssisə rəhbərləri, kənd sakinləri iştirak ediblər.

   Rayon icra hakimiyyətinin başçısı İslam Rzayev son zamanlar Sarıbulaq kəndində aparılan işlər, əhalini narahat edən problemlərin aradan qaldırılması istiqamətində həyata keçirilən tədbirlər barədə məlumat verib, kənd təsərrüfatının inkişafına yönələn tədbirlərin yerinə yetirilməsi vəziyyətini araşdırıb, infrastrukturun yaxşılaşdırılması istiqamətində görülən işlərdən danışıb.

    Sarıbulaq kənd sakinləri səyyar görüşdə kəndlərində, həmçinin rayonda aparılan işlərə görə razılıqlarını ifadə edərək əhalini narahat edən bəzi problemlərdən söz açıblar. Səyyar görüşdə əhali kəndin içməli su probleminin həll olunması, evlərin texniki sənədlərinin hazırlanmasına köməklik olunması, kənd ərazisindən keçən çay yatağının təmizlənməsi, kənddə qazın təzyiqinin aşağı olması, fındıq bağları ərazisindən keçən yüksək gərginlikli elektrik xətlərinin qaydaya salınması kimi təkliflərlə çıxış ediblər.

   Rayon icra hakimiyyətinin başçısı İslam Rzayev kənd sakinlərinin təkliflərinin həyata keçirilməsi üçün aidiyyəti qurumlara müvafiq tapşırıqlar verib.

  Kənd sakinləri əhalini narahat edən problemlərin həyata keçirilməsi üçün görülən tədbirlərə, göstərilən diqqət və qayğıya görə dövlətimizin başçısına minnətdarlıqlarını bildiriblər.