Balakən Rayon İcra Hakimiyyəti yanında İctimai Şuranın illər üzrə hesabatı

Balakən Rayon İcra Hakimiyyəti yanında İctimai Şuranın

2023-cü ildə gördüyü işlərə dair 

HESABATI

Son illər respublikamızın ictimai-siyasi həyatına daxil olmuş yeniliklərdən biri də dövlət qurumları yanında ictimai şuraların yaradılması olmuşdur. Sosial sifarişdən qaynaqlanan bu  yenilik   nəticəsində  vətəndaş cəmiyyəti institutlarının fəaliyyəti genişlənmiş, QHT-lərin  dövlət idarəçiliyi və qanun yaradıcılığı prosesində   iştirakçılığı artmışdır.

Balakən  Rayon İcra Hakimiyyəti yanında 7 nəfər vətəndaş cəmiyyəti nümayəndəsindən ibarət İctimai Şura fəaliyyət göstərir. 05 iyul 2023-cü il tarixdə Yeni Azərbaycan Partiyası(YAP) rayon təşkilatının inzibati binasında  Balakən  Rayon İcra Hakimiyyəti yanında İctimai Şuraya növbəti seçki keçirilmişdir. Seçkiyə əsasən İctimai Şuranın yeni tərkibi müəyyən olunmuşdur.  İctimai Şura öz işini “İctimai iştirakçılıq haqqında” Azərbaycan Respublikası Qanununun tələbləri əsasında qurmuşdur. Hesabat dövründə İctimai Şura ilə rayon icra hakimiyyəti arasında əlaqələr daha da möhkəmlənmiş, vətəndaşların qarşılaşdıqları problemlərin həllinə ictimai dəstəyin təmin edilməsi üçün zəruri iş aparılmışdır.

2023-cü ildə  İctimai Şura üzvləri rayon icra hakimiyyəti başçısının təşkil etdiyi vətəndaş qəbullarında, ümumrayon və digər ənənəvi tədbirlərdə, xüsusən  şəhidlərimizə həsr olunmuş yığıncaqlarda iştirak və çıxış etmişlər. Şəhid ailələrini ziyarət etmək, kədərlərinə şərik olmaq, onların sosial problemlərinin həllinə, malik olduqları imtiyazlardan maksimum istifadə edilməsinə dəstək  olmaq Şuranın əsas fəaliyyət istiqamətlərindən biri olmuşdur. 

Şura üzvləri vaxtaşırı kəndlərdə yaşayan, sosial cəhətdən həssas ailələrlə görüşmüş, şəhid ailələri, qazilər, müharibə iştirakçılarının evlərində olmuşlar. Bu zaman aşkar edilən və qaldırılan problemlərin həlli rayon icra hakimiyyətinin müvafiq şöbələri ilə birgə araşdırılmış, əksəriyyəti mövcud qanunvericilik çərçivəsində öz həllini tapmışdır.  Operativ fəaliyyət üçün şura üzvlərinin mobil nömrələri vətəndaşlara verilmiş, onların müraciətlərinin dərhal cavablandırılması üçün bu imkandan səmərəli istifadə edilmişdir. Eyni zamanda İctimai Şuraya vətəndaşlar tərəfindən işlə təminat, maddi köməklik və digər məsələlərlə bağlı 14 müraciət daxil olmuşdur. İctimai Şura tərəfindən qaldırılan məsələlərə və təşəbbüslərə rayon icra hakimiyyətində həsasslıqla yanaşılmışdır.

Hesabat dövründə İctimai Şuranın 9 iclası keçirilmişdir. İclaslarda Şuranın fəaliyyət istiqamətləri, səmərəliliyin artırılması,  əhali ilə rayon icra hakimiyyəti arasında əlaqələrin daha sıx qurulmasında vətəndaş cəmiyyətinin dəstəyi, maarifləndirmə tədbirlərinin genişləndirilməsi ilə bağlı müzakirələr aparılmışdır.

Balakən Rayon İcra Hakimiyyəti tərəfindən 2023-cü il ərzində kollegial qərarların qəbulu zamanı, komissiyalar və işçi qrupları yaradılarkən, eyni zamanda  RİH başçısı tərəfindən keçirilən vətəndaş qəbullarında və səyyar görüşlərdə İctimai Şuranın üzvləri iştirak etmişlər. Həmçinin RİH başçısı yanında yaradılmış  2  komissiyanın tərkibinə İctimai Şuranın üzvləri daxil edilmişdir.

İctimai Şura tərəfindən cəmiyyəti narahat edən müxtəlif məsələlər- korrupsiyaya qarşı mübarizə, narkomaniya və onun fəsadları, erkən nikah, qızların təhsildən yayındırılması, dini radikalizm, eyni zamanda ictimai iştirakçılıq haqqında qanunvericlik, ictimai şura və onun fəaliyyət istiqamətləri, ictimai nəzarət mexanizmləri ilə bağlı maarifləndirmə tədbirləri keçirilmişdir.

İctimai şuraının fəaliyyəti, şuralarda müzakirə edilən məsələlərlə bağlı maarifləndirmə,  təbliğat işlərinin genişləndirilməsi məqsədilə rayon icra hakimiyyətinin rəsmi internet saytında “İctimai Şura” adlı bölmə yaradılmış,(balaken-ih.gov.az), bu istiqamətdə keçirilən tədbirlər barədə məlumatlar həmin bölmədə, eyni zamanda facebook sosial şəbəkəsində (https://www.facebook.com/BalakenRIH) yerləşdirilmişdir.

Qeyd etmək lazımdır ki, müasir günümüzdə sosial şəbəkələr digər informasiya mənbələrini üstələmişdir. Bu gün sosial şəbəkələr gündəlik həyatımızın bir parçasına çevrilib. Hər kəs sosial şəbəkə istifadəçisidir və bütün məlumatları məhz oradan alır, öyrənir və paylaşır. Bu baxımdan İctimai Şura üzvləri sosial şəbəkələrdəki fəaliyyətini daha da gücləndirməlidir. Bu bizə gördüyümüz işləri daha da təkmilləşdirməyə, çatışmamazlıqları aradan qaldırmağa və vətəndaşları narahat edən məsələlərin operativ öyrənilməsinə şərait yaradacaqdır.

Balakən Rayon İcra Hakimiyyəti yanında fəaliyyət göstərən İctimai Şura 2024-cü ildə də öz fəaliyyətini günün tələbləri səviyyəsində quracaq, ictimai nəzarət funksiyasını həyata keçirəcək, vətəndaşlarla dövlət qurumları arasında qarşılıqlı əlaqələrin daha da gücləndirilməsi istiqamətində fəaliyyətini davam etdirəcəkdir.

Balakən Rayon İcra Hakimiyyəti yanında İctimai Şuranın

2022-ci ildə gördüyü işlərə dair 

HESABATI

 Son illər respublikamızın ictimai-siyasi həyatına daxil olmuş yeniliklərdən biri də dövlət qurumları yanında ictimai şuraların yaradılması olmuşdur. Sosial sifarişdən qaynaqlanan bu yenilik nəticəsində vətəndaş cəmiyyəti institutlarının fəaliyyəti genişlənmiş, QHT-lərin  dövlət idarəçiliyi və qanun yaradıcılığı prosesində   iştirakçılığı artmışdır.

   Balakən Rayon İcra Hakimiyyəti yanında 7 nəfər vətəndaş cəmiyyəti nümayəndəsindən ibarət İctimai Şura fəaliyyət göstərir.  İctimai Şura öz işini “İctimai iştirakçılıq haqqında” Azərbaycan Respublikası Qanununun tələbləri əsasında qurmuşdur. Hesabat dövründə İctimai Şura ilə rayon icra hakimiyyəti arasında əlaqələrin daha da möhkəmlənmiş, vətəndaşların qarşılaşdıqları problemlərin həllinə ictimai dəstəyin təmin edilməsi üçün zəruri iş aparılmışdır.

   2022-ci ildə İctimai Şura üzvləri rayon icra hakimiyyəti başçısının təşkil etdiyi vətəndaş qəbullarında, ümumrayon və digər ənənəvi tədbirlərdə, xüsusən  şəhidlərimizə həsr olunmuş yığıncaqlarda iştirak və çıxış etmişlər. Şəhid ailələrini ziyarət etmək, kədərlərinə şərik olmaq, onların sosial problemlərinin həllinə, malik olduqları imtiyazlardan maksimum istifadə edilməsinə dəstək  olmaq Şuranın əsas fəaliyyət istiqamətlərindən biri olmuşdur. 

   Şura üzvləri vaxtaşırı kəndlərdə yaşayan, sosial cəhətdən həssas ailələrlə görüşmüş, şəhid ailələri, qazilər, müharibə iştirakçılarının evlərində olmuşlar. Bu zaman aşkar edilən və qaldırılan problemlərin həlli rayon icra hakimiyyətinin müvafiq şöbələri ilə birgə araşdırılmış, əksəriyyəti mövcud qanunvericilik çərçivəsində öz həllini tapmışdır.  Operativ fəaliyyət üçün şura üzvlərinin mobil nömrələri vətəndaşlara verilmiş, onların müraciətlərinin dərhal cavablandırılması üçün bu imkandan səmərəli istifadə edilmişdir. Eyni zamanda İctimai Şuraya vətəndaşlar tərəfindən işlə təminat, maddi köməklik və digər məsələlərlə bağlı 17 müraciət daxil olmuşdur. İctimai Şura tərəfindən qaldırılan məsələlərə və təşəbbüslərə rayon icra hakimiyyətində həsasslıqla yanaşılmışdır.

   Hesabat dövründə İctimai Şuranın 12 iclası keçirilmişdir. İclaslarda Şuranın fəaliyyət istiqamətləri, səmərəliliyin artırılması,  əhali ilə rayon icra hakimiyyəti arasında əlaqələrin daha sıx qurulmasında vətəndaş cəmiyyətinin dəstəyi, maarifləndirmə tədbirlərinin genişləndirilməsi ilə bağlı müzakirələr aparılmışdır.

   Balakən Rayon İcra Hakimiyyəti tərəfindən 2022-ci il ərzində kollegial qərarların qəbulu zamanı, komissiyalar və işçi qrupları yaradılarkən, eyni zamanda  RİH başçısı tərəfindən keçirilən vətəndaş qəbullarında və səyyar görüşlərdə İctimai Şuranın üzvləri iştirak etmişlər. Həmçinin RİH başçısı yanında yaradılmış  2  komissiyanın tərkibinə İctimai Şuranın üzvləri daxil edilmişdir.

   İctimai Şura tərəfindən cəmiyyəti narahat edən müxtəlif məsələlər- korrupsiyaya qarşı mübarizə, narkomaniya və onun fəsadları, erkən nikah, qızların təhsildən yayındırılması, dini radikalizm, eyni zamanda ictimai iştirakçılıq haqqında qanunvericlik, ictimai şura və onun fəaliyyət istiqamətləri, ictimai nəzarət mexanizmləri ilə bağlı maarifləndirmə tədbirləri keçirilmişdir.

   İctimai şuraının fəaliyyəti, şuralarda müzakirə edilən məsələlərlə bağlı maarifləndirmə,  təbliğat işlərinin genişləndirilməsi məqsədilə rayon icra hakimiyyətinin rəsmi internet saytında “İctimai Şura” adlı bölmə yaradılmış,(balaken-ih.gov.az), bu istiqamətdə keçirilən tədbirlər barədə məlumatlar həmin bölmədə, eyni zamanda facebook sosial şəbəkəsində (https://www.facebook.com/BalakenRIH) yerləşdirilmişdir.

   Hesabat dövründə İctimai Şura üzvləri müxtəlif təlimlərdə iştirak etmişlər. 20 oktyabr 2022-ci il tarixdə “Şəffaf İdarəçilik” İctimai Birliyi tərəfindən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə İctimai Şuranın üzvləri və rayonda fəaliyyət göstərən QHT-lər üçün “Hökumət  qurumlarında ictimai nəzarət, ictimai iştirakçılıq platformalarının yaradılması və maneəsiz iştirakçılıq” və  11 noyabr 2022-ci il tarixdə “Beynəlxalq İnsan Hüquqları Cəmiyyəti Azərbaycan Milli Bölməsi” İctimai Birliyi tərəfindən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə İctimai Şuranın üzvləri və rayonda fəaliyyət göstərən QHT-lər üçün “İctimai iştirakçılıq və ictimai nəzarət mexanizmlərinin həyata keçirilməsinin aktuallığı və təkmilləşdirilməsi” mövzusunda təlimlər keçirilmişdir. Eyni zamanda Balakən Rayon İcra Hakimiyyəti yanında fəaliyyət göstərən İctimai Şuranın üzvləri Azərbaycan Respublikası Prezidentinin Administrasiyası və QHT-na Dövlət Dəstəyi Agentliyinin birgə təşkilatçılığı ilə 31 may 2022-ci il tarixdə Qəbələ şəhərində keçirilən "QHT-dövlət əməkdaşlığında yeni çağırışlar: İctimai Nəzarət mexanizminin gücləndirilməsi" adlı respublika zona konfransında, 06 sentyabr 2022-ci ildə Qəbələ şəhərində QHT-lər və yerli icra hakmiyyəti orqanlarının ictimai iştirakçılıq, İctimai Şuralara seçkilərin təşkili və keçirilməsi prosesi, İctimai Şuraların hüquq və vəzifələri, fəaliyyət çərçivəsi, dövlət orqanlarının ictimai iştirakçılığın təmin olunması ilə bağlı öhdəlikləri sahəsində bilik və bacarıqlarının artırılması məqsədilə təşkil olunan “İctimai iştirakçılıq sahəsində bilik və bacarıqların artırılması” təlimində iştirak etmişlər.

   Qeyd etmək lazımdır ki, müasir günümüzdə sosial şəbəkələr digər informasiya mənbələrini üstələmişdir. Bu gün sosial şəbəkələr gündəlik həyatımızın bir parçasına çevrilib. Hər kəs sosial şəbəkə istifadəçisidir və bütün məlumatları məhz oradan alır, öyrənir və paylaşır. Bu baxımdan İctimai Şura üzvləri sosial şəbəkələrdəki fəaliyyətini daha da gücləndirməlidir. Bu bizə gördüyümüz işləri daha da təkmilləşdirməyə, çatışmamazlıqları aradan qaldırmağa və vətəndaşları narahat edən məsələlərin operativ öyrənilməsinə şərait yaradacaqdır.

   Balakən Rayon İcra Hakimiyyəti yanında fəaliyyət göstərən İctimai Şura 2023-cü ildə də öz fəaliyyətini günün tələbləri səviyyəsində qurmaq, ictimai nəzarət funksiyasını həyata keçirmək, vətəndaşlarla dövlət qurumları arasında qarşılıqlı əlaqələrin daha da gücləndirilməsi istiqamətində fəaliyyətini davam etdirəcəkdir.